सोलापुरात सशस्त्र दरोड्याचा प्लॅन

दोघेही रेकॉर्डवरील गुन्हेगार

कर्नाटकातील विशाल बंडीवडार,अनिल वड्डर, प्रशांत ऊर्फ परश्या, कृष्णा ऊर्फ कृष्णप्पा बंडीवडार, प्रवीण व अनंत (चौघेही रा. चिनहळ्ळी, कर्नाटक) हे सर्वजण दोन दिवसांपूर्वीच सोलापूर शहरात दरोडा टाकण्याच्या उद्देशाने गावातून निघाले होते. विजापूर नाका पोलिसांनी त्याचा प्लॅन हाणून पाडला असून हत्तुरे वस्तीजवळ संशयितरित्या दोघे फिरत होते. पोलिसांनी त्यांच्याकडे पहाताच त्यांनी तेथून पळ काढत त्यांनी आणलेल्या चारचाकी वाहनाकडे धाव घेतली. पोलिस पाठलाग करत असल्याचे जाणवताच त्यांनी आपले वाहन वेगवेगळ्या मार्गाने नेले. पण, पोलिसांनी त्यांचा पाठलाग करून सहापैकी दोघांना अटक केली. विशाल व अनिल हे दोघेही पोलिसांच्या रेकॉर्डवरील सराईत गुन्हेगार असून त्यांच्यावर कर्नाटक व इचलकरंजी पोलिस ठाण्यात दरोडा, जबरी चोरीचे गुन्हे दाखल असल्याची माहिती समोर आली आहे. उर्वरित संशयितांचा शोध सुरु आहे.