- सोलापूर शहर व परिसरात नवरात्रीच्या उत्साह दिसून येत आहे. मात्र एक दुर्दैवी घटना समोर येत आहे. तुळजापूरहून ज्योत घेऊन येत असताना भाविकांच्या गाडीचा भीषण अपघात झाल्याची बातमी समोर आली आहे. या दुर्घटनेत दोघांचा मृत्यू झाला असून सहा जण गंभीर जखमी झाले आहेत.
याबाबत माहिती अशी की, तुळजापूरहून ज्योत घेऊन येत असताना भाविकांच्या गाडीचा भीषण अपघात झाल्याची घटना समोर आली आहे. तुळजापूरहून मंगळवेढा तालुक्यातील गोणेवाडीकडे जाताना कामती येथे हा अपघात झाला. भाविकांनी भरलेले पिकअप स्त्याच्या कडेला असणाऱ्या खड्ड्यात पलटी झाले. या घटनेमध्ये दोघांचा जागीच मृत्यू झाला तर सहा जण गंभीर जखमी झाले.
प्रदीप क्षीरसागर आणि नेताजी कराळे अशी दुर्घटनेत मृत्यू झालेल्या दोघांची नावे आहेत. तर बाकीचे सहा जण गंभीर जखमी झाले आहेत. याबाबतची माहिती मिळताच स्थानिकांसह पोलिसांनी घटनास्थळी धाव घेतली तसेच जखमींना उपचारासाठी जवळच्या शासकीय रुग्णालयात दाखल केले.
