बिग बॉसच्या घरात मोठे धमाके होताना दिसत आहेत. बिग बॉस मराठी सीजन ५ चांगलेच रंगात आल्याचे बघायला मिळत आहे. तसेच सहा ऑक्टोबर रोजी बिग बॉस मराठी सीजन ५ चा फिनाले पार पडेल. आता बिग बॉसच्या फिनाले वीकलाही सुरूवात झाली आहे. घरातील सदस्य धमाकेदार गेम खेळत आहेत. पॅडी कांबळे नुकताच बिग बॉसच्या घरातून बाहेर पडले आहेत.
पॅडी घरातून बाहेर पडत असताना सूरज चव्हाण हा रडताना दिसला. पॅडी फिनाले विकला काही दिवसच शिल्लक असताना बाहेर पडले आहेत. बिग बॉसच्या घरात सुरूवातीपासूनच दोन ग्रुप बघायला मिळाले. अंकिता वालावलकर ही ग्रुप ‘बी’मध्ये आहे. मात्र, गेल्या काही दिवसांपासून ग्रुप ‘बी’मधील सदस्य वर्षा उसगांवकर यांच्याबद्दलच बोलताना अंकिता दिसत आहे. हेच नाही तर अंकिता हिने वर्षा यांच्याबद्दल हैराण करणारे भाष्य केले आहे.
अंकिता म्हणाली की, त्यांच्या घरी काम करणारे लोक त्यांच्या हाताखाली आहेत. त्यामुळेच त्यांनी बिग बॉसच्या घरातही असे लोक हाताखाली धरले आहेत. हाऊस हेल्पर त्यांच्याकडे असणार, त्यामुळे त्यांना तीच सवय आहे. बिग बॉसच्या घरातही त्यांनी सुरूवातीपासूनच तेच केले. आता अंकिताच्या विधानाची जोरदार चर्चा रंगताना दिसत आहे.
आता अंकिता हिच्यावर तिच्या या विधानावरून जोरदार टीका केली जात आहे. वर्षा यांच्या चाहत्यांना अंकिताने केलेले हे विधान अजिबातच आवडले नसल्याचे बघायला मिळत आहे. वर्षा यांचे चाहते हे अंकितावर जोरदार टीका करताना दिसत आहेत.
