पत्नीच्या जाचाला कंटाळून पतीने आत्महत्या केल्याची घटना आग्य्रात उघडकीस आली आहे. मानव शर्मा असे त्याचे नाव आहे. तो टीसीएस कंपनीत रिक्रूटमेंट मॅनेजर म्हणून कार्यरत होता. आत्महत्येपूर्वी त्याने व्हिडीओ बनवला असून यात आई-बाबा मला माफ करा. मी माझ्या बायकोच्या सततच्या जाचाला कंटाळलो आहे. ती सतत मला धमकी देत असते. कृपया कोणीतरी पुरुषांबद्दल बोला, ते खूप एकटे पडत आहेत, असे या व्हिडीओतून सांगितले आहे.
आत्महत्येपूर्वी बनवलेल्या व्हिडिओमध्ये तो म्हणाला, पत्नी धमक्या देत आहे. तिचे बाहेर प्रेमसंबंध आहेत. यानंतर तो रडू लागतो आणि शेवटच्या क्षणी हसून म्हणतो, जे करायचे , ते नीट कर. माझ्या आई-वडिलांना त्रास देऊ नका.
