- राज्यात आगामी विधानसभा निवडणूकीच्या तयारीला सर्व पक्ष कामाला लागले आहेत. राज्यातील प्रमुख नेत्यांनी राज्याचे दौरे सुरु केले आहेत. त्यामुळे राज्यात विधानसभा निवडणुका कधी होणार, याबाबत अनेकांना प्रश्न पडला आहे. मुख्यमंत्री एकनाथ शिंदे यांनी विधानसभा निवडणुका कधी होणार याचे स्पष्ट संकेत दिले आहेत.
शिंदे यांनी चांदीवली येथील एका कार्यक्रमात विधानसभा निवडणुकीचे संकेत दिले आहेत. राज्यात नोव्हेंबर महिन्यात विधानसभा निवडणुका होणार असल्याचे शिंदे यांनी म्हटले आहे. येत्या दोन महिन्यानंतर नोव्हेंबर महिन्यात विधानसभा निवडणुका होणार असल्याचे शिंदे म्हणाले.
दरम्यान माझी लाडकी बहीण योजनेची मुदत वाढवली आहे. आगामी काळात दीड हजार रुपयाची रक्कम वाढवण्यात येईल. तसेच महिलांसाठी अन्नपूर्णा योजनेत तीन गॅस सिलेंडर मोफत मिळणार आहेत. तरुणांसाठी युवा कौशल्या प्रशिक्षण योजना, ज्येष्ठ नागरिकांसाठी मुख्यमंत्री तिर्थदर्शन योजना सुरु केली आहे. याबरोबरच राज्यातील शेतक-यांना मोफत वीज देण्याचा निर्णय घेतला. महात्मा फुले जीवनदायी आरोग्य योजनेव्दारे पाच लाखापर्यंतचे मोफत उपचार सुरु करण्यात आले, असे शिंदे यांनी सांगितले.
