Admin 
सोलापूर जिल्ह्यातील उजनी धरण आज सकाळी सहाच्या आकडेवारी नुसार शंभर टक्के क्षमतेने भरले आहे. उजनी धरणात एकूण पाणी साठवण क्षमतेच्या 116 पूर्णांक 99 टीएमसी पाणीसाठा झाला आहे.
उजनी धरणावर पुणे जिल्ह्यातील लाखो हेक्टर शेती, सोलापूर शहराचा पाणी पुरवठा केला जातो. तसेच याचा सोलापूर जिल्ह्यातील बहुतांश साखर कारखाने आणि शेती तर लहान मोठ्या शेकडो पाणी उपसा सिंचन योजनांसह नगर जिल्ह्यातील औद्योगिक वसाहत अवलंबून आहे. त्यामुळे उजनी पूर्ण क्षमतेने कधी भरणार याकडे सर्वांची नजर लागलेली असते. यंदा उजनी धरण शंभर टक्के भरल्याने नागरिकांना दिलासा मिळाला आहे.
