शिवसेना शिंदे गटाचे मंत्री संजय शिरसाट यांच्यावर ठाकरे गटाचे खासदार संजय राऊत यांनी खळबळजनक आरोप केले होते. मंत्री बाजूला पैशांच्या बॅगा घेऊन बसले आहेत, असा आरोप राऊतांनी केला होता. राऊतांचा हा दावा आता खरा ठरल्याची चर्चा आहे. कारण शिरसाट यांचा पैशांच्या बॅगेचा शेजारी बसलेला व्हिडीओ समोर आला आहे. या व्हिडीओने राजकारण तापले आहे.
या व्हिडिओमध्ये शिरसाट हे बेडवर बसून सिगारेट ओढत ते फोनवर बोलत आहेत. या बेडखाली पैशांची मोठी बॅग असल्याचे पाहायला मिळत आहे. दरम्यान, यावर आता शिरसाट यांनी प्रतिक्रिया दिली आहे. शिरसाट याबाबत बोलताना म्हणाले, मी आत्ताच तुमच्या मित्राकडून तो व्हिडिओ पाहिला. व्हिडिओ काय दाखवतोय माझे घर आहे. तुम्ही पाहतायत ते माझे घर आहे. माझे बेडरूम आहे. बेडरूममध्ये मी बसलेले बसलेलो आहे. बाजूला माझा सर्वात लाडका कुत्रा हा माझ्या बेडरूममध्ये आहे.
या व्हिडीओबद्दल मला आश्चर्य नाही, यात काही गैर नाही, टार्गेट करण्याचा प्रयत्न केला जातोय. एक बॅग ठेवलेली आहे. एवढी मोठी बॅग जर पैशाची ठेवायची असेल तर अलमाऱ्या काय मेल्यात का? या बॅगमध्ये पैसे नाहीत तर कपडे आहेत, असा दावाही शिरसाट यांनी केला आहे. त्याचबरोबर राऊतांनी आज ठरल्याप्रमाणे भुंकण्याचे काम केले. शिंदे साहेब दिल्लीला अमित शहा साहेबाला भेटले व त्यांना सांगितले की माझा पक्ष लागला तर विलीन करा. परंतु, मला मुख्यमंत्री करा हे सगळं पाहिले, तर यांना संताजी-धनाजी दिसतात का? असा प्रश्न आहे. मुर्खासारखं स्टेटमेंट देत आहेत, असेही ते म्हणाले.
त्याचबरोबर, सकाळी उठले का एकनाथ शिंदे, दुपारी उठले का एकनाथ शिंदे, मेळावा असला की एकनाथ शिंदे, संध्याकाळी झोपताना एकनाथ शिंदे असे म्हणत त्यांनी राऊतांवरच टीका केली.
Admin 
