- ‘बनी-हॉप’ झेल हा असा झेल आहे, जिथे क्षेत्ररक्षक सीमारेषेच्या बाहेर उभा राहून हवेत उडी मारतो आणि नंतर चेंडू पुन्हा मैदानाच्या आत फेकतो किंवा झेल घेण्याचा प्रयत्न करतो. हे तंत्रज्ञान अनेकदा प्रभावी आणि आकर्षक दिसते, परंतु आता क्रिकेटच्या नियमांनुसार हे झेल अवैध मानले जाईल. उदाहरणार्थ, डेवाल्ड ब्रेविसने आयपीएलमध्ये पंजाब किंग्सविरुद्ध घेतलेला झेल आता वैध मानला जाणार नाही.
- आयसीसीने नवीन नियम लागू केला आहे. एमसीसीच्या नव्या नियमांनुसार, आता सीमारेषेच्या बाहेर हवेत उडणारा क्षेत्ररक्षक चेंडूला फक्त एकदाच स्पर्श करू शकतो. जर झेल पूर्ण करायचा असेल, तर क्षेत्ररक्षकाला सीमारेषेच्या आत येऊन तो पूर्ण करावा लागेल. सीमा रेषेच्या बाहेर हवेत असताना चेंडूला स्पर्श करणे किंवा झेल घेणे आता वैध मानले जाणार नाही. असा झेल तेव्हाच वैध ठरेल, जेव्हा क्षेत्ररक्षक चेंडू पकडताना आणि जमिनीवर उतरताना पूर्णपणे मैदानात आणि सीमारेषेच्या आत असेल. आयसीसीने हा नियम याच महिन्यापासून लागू करण्याचा निर्णय घेतला आहे, तर एमसीसीच्या अधिकृत नियमांनुसार हा बदल ऑक्टोबर २०२६ पासून लागू होईल
