राजकारणात कधी काय घडेल याचा अंदाज नसतो. याचा प्रत्यय राज्यातील जनता सातत्याने घेत आहे. आताही राज्याच्या राजकारणात एक अनपेक्षित घटना घडली आहे. मुख्यमंत्री देवेंद्र फडणवीस यांनी जेष्ठ नेते शरद पवार यांचे तोंडभरून कौतुक केले आहे. मला पवारांच्या अनेक गोष्टी आवडतात. या वयातही ते काम करतात. ही गोष्ट कौतुकास्पद आहे, असे गौरवोद्गार फडणवीस यांनी काढले.
एका इंग्रजी वृत्तपत्राला दिलेल्या मुलाखतीमध्ये मुख्यमंत्र्यांनी पवार यांचे कौतुक केले आहे. फडणवीस म्हणाले, पवार यांच्या अनेक गोष्टी मला आवडतात. ते जिंकले, हरले किंवा परिस्थिती कशीही असली तरी काम करत राहतात. जय-पराजयाचा विचार न करता पवार सातत्याने काम करतात. या वयातही ते एवढे काम करतात. मला नाही वाटत की, असे कोणी करु शकते, असे फडणवीस म्हणाले.
दरम्यान शरद पवार आणि अजितदादा पवार पुन्हा एकदा एकत्र येण्याच्या चर्चा सुरु असतानाच आता मुख्यमंत्री फडणवीस यांनी एका मुलाखतीत बोलताना शरद पवार यांचे कौतुक केल्याने राजकीय वर्तुळात चर्चा रंगल्या आहेत.
Admin 
