शिर्डीमध्ये राष्ट्रवादीचं मंथन शिबीर आयोजित करण्यात आलं आहे. या शिबिराला सर्व प्रमुख नेते आणि खासदार हजर होते. मात्र या कार्यक्रमाला अजित पवार आले नाहीत. जयंत पाटील आणि अजितदादा यांच्यामध्ये नाराजी असल्याचं बोललं जात आहे. जयंत पाटील यांचं भाषण झालं.
पण अजितदादा हे या शिबिराला गैरहजर होते. अजित दादा हे आजोळी गेले असल्यामुळे शिबिराला येऊ शकले नाही, असं सांगण्यात आलं आहे. हाच मुद्दा पकडत मनसे नेते गजानन काळे यांनी एक ट्विट केलंय. अजित दादा राष्ट्रवादीमध्ये नाराज असल्याच्या चर्चा वारंवार घडत असतात. आजचं हे चित्र अधिक बोलकं आणि राष्ट्रवादीमध्ये काहीतरी गडबड आहे, असं सांगणारं असल्याचं ट्विट काळे यांनी केले.
