- लाडकी बहीण योजनेमुळे राज्यातील महिला आणि बालविकास विभाग राज्यात चर्चेत आला. या योजनेवर आता सर्वोच्च न्यायालयाने ताशेरे ओढले. मोफत पैसे वाटपच्या योजनांमुळे लोकांना परजीवी करायचे आहे का? अशी टिप्पणी सर्वोच्च न्यायालयाने केली. तसेच अनेक स्वाभिमानी महिलांनी आम्हाला तुमचे दीड हजार रुपये नको, आमच्या हातांना हक्काचे काम द्या, अशीही मागणी केली होती. अशा स्वाभिमानी भगिनींसाठी महिला आणि बालविकास विभागाने मेगा भरतीची घोषणा केली आहे.
- महिला व बालविकास विभागाने एक महत्त्वाचा निर्णय घेतला आहे. या विभागात 18 हजार 882 पदांची भरती होणार आहे. या विभागातील विविध रिक्त पदांची भरती करण्याबाबत आज मंत्रालयातील दालनात मंत्री अदिती तटकरे यांच्या उपस्थितीत बैठक झाली. यावेळी महाराष्ट्र शासनाने 70 हजार पदांची भरती करण्याचा निर्णय घेतला आहे.
- एकात्मिक बालविकास सेवा योजनेअंतर्गत अंगणवाडी सेविका – 5639
- अंगणवाडी मदतनीस – 13243
- एकूण 18882 पदांची भरती.
- मुख्य सेविका पदासाठीही सरळ सेवेच्या माध्यमातून 14 फेब्रुवारी ते 2 मार्च दरम्यान भरती प्रक्रिया राबवण्यात येणार आहे. ही प्रक्रिया पारदर्शक पद्धतीनं राबवण्याबाबत खबरदारी घेण्याचे निर्देश अधिकाऱ्यांना देण्यात आले आहेत. यासोबतच राज्य महिला आयोग, महिला आर्थिक विकास महामंडळ, बालकल्याण समिती, बाल न्याय मंडळातील रिक्त पदांचीही भरती प्रक्रिया लवकरात लवकर सुरु करावी, अशा सूचना अधिकाऱ्यांना दिल्या आहेत.
