महाराष्ट्र
ब्रेकिंग! तुम्हीही ‘असा’ व्हॉट्सअ‍ॅप ग्रुप तयार केलाय का? तर लगेच डिलीट करा
- उपमुख्यमंत्री अजितदादा पवार यांनी शालेय आणि महाविद्यालयीन विद्यार्थ्यांमध्ये वाढत असलेल्या गुन्हेगारीबद्दल चिंता व्यक्त केली आहे.
- बारामतीत एका शाळेत एकमेकांकडे पाहण्यावरून मुलांनी मारामारी केली, कितीही मोठ्या बापाचा मुलगा असला तरीही कायदा त्याला दाखवा. पोलिसांनी मोठ्या बापाचा मुलगा असला म्हणून हयगय करू नये. अलीकडे कॅफेचा नवीन पायंडा पडला आहे, कॅफेत काहीही वेडेवाकडेपणा चालतो. लक्षात घ्या काळ कोणासाठी थांबत नाही. शाळेत शिकणारी मुले काही ना काही चुकीचे करतात, मी त्या शिक्षण संस्थेचे नाव घेत नाही.
- काही मुलांनी नो कॉम्प्रोमाइज ग्रुप अशा पद्धतीने व्हॉट्सअ‍ॅप ग्रुप आणि इन्स्टाग्राम ग्रुप तयार केले आहेत, ते लगेच बंद करा. मुलांनो जर तुम्ही चुकीच्या रस्त्याने गेलात तर अलिकडे काहीही शोधता येते. त्यामुळे अशा गोष्टींना अजिबात थारा देऊ नका. लहान वयात कधीकधी मुला मुलींचा पाय घसरतो. कृपा करून आपण आपल्या आई वडिलांना कमीपणा वाटेल असे कृत्य करू नका. तुमच्यावर राज्याचे, देशाचे भवितव्य अवलंबून आहे. तुम्ही उद्या देशाचे जबाबदार नागरिक बनणार आहात. तुम्हाला देशाला पुढे न्यायचे आहे, असे अजितदादा यांनी सांगितले.
