- महायुतीने आज मुख्यमंत्री महिला सशक्तीकरण अभियानांतर्गत जळगावात मुख्यमंत्री माझी लाडकी बहीण योजनेच्या अनुषंगाने भव्य मेळाव्याचे आयोजन केले आहे. त्याच दरम्यान मुख्यमंत्री एकनाथ शिंदे मेळाव्यासाठी जळगाव विमानतळावर दाखल झाल्यानंतर तिथून मेळाव्याच्या ठिकाणी जात होते. त्यावेळी त्यांच्या वाहनांच्या ताफ्यातील चार वाहने एकमेकांवर आदळल्याने अपघात झाला आहे. मात्र, सुदैवाने यामध्ये कोणतीही जीवितहानी झाली नाही. जळगाव विमानतळावरून मेळाव्याच्या ठिकाणी जात असताना विमानतळ परिसरातच हा अपघात झाला आहे.
शिंदे मेळाव्यासाठी जळगाव विमानतळावर दाखल झाल्यानंतर तिथून मेळाव्याच्या ठिकाणी जात असताना त्यांच्या ताफ्यातील चार वाहने एकमेकांवर आदळली आहेत. जळगाव विमानतळावरून मेळाव्याच्या ठिकाणी जात असताना विमानतळ परिसरातच हा अपघात झाल्याची माहिती आहे. सुदैवाने या अपघातात कोणतीही जिवितहानी झालेली नाही. मात्र ताफ्यातील वाहने एकमेकांवर आदळल्याने गाड्यांचे मोठे नुकसान झाल्याची माहिती मिळत आहे. तसेच अपघातानंतर काही वेळातच मुख्यमंत्र्यांचा ताफा सभेच्या ठिकाणी रवाना झाला असून ताफ्यातील इतर वाहनांमधून शिंदे आणि उपमुख्यमंत्री सभास्थळी दाखल झाले आहेत.
