लाखो महिलांना लाडकी बहीण योजनेमुळे जबरदस्त फायदा झाला. या योजनेंतर्गत महिलांच्या खात्यावर दर महिन्याला दीड हजार रुपये येत आहेत. या योजनेचा लाभ घेणाऱ्यांसाठी महत्त्वाची बातमी आहे. या योजनेचा लाभ घेणाऱ्या महिलांची फेरतपासणी होणार आहे. यासंदर्भात आतापर्यंत फक्त चर्चा सुरू होती, मात्र आता फेरतपासणी होणार असल्याचे अदिती तटकरे यांनी स्वत: सांगितले आहे.
या योजनेचा गैरवापर करून ज्यांनी पैसे घेतले, अशा तक्रारी ज्या भागांमधून आल्या तिथे, फेरतपासणी होतच आहे. मात्र आता सगळ्यांचीच फेरतपासणी होणार आहे. तसेच अद्यापही काही अर्जांची छाननी होण्याचे काम बाकी आहे. या अर्जांची छाननी देखील काटेकोर पद्धतीने होणार आहे.
अडीच लाखहून अधिक उत्पन्न असलेल्या महिलांना या योजनेचा लाभ मिळणार नाही. त्यामुळे आता फेरतपासणीत जर अशा महिला आढळल्या तर त्यांना यानंतर खात्यावर पैसे येणार नाहीत, अशी माहिती अदिती तटकरे यांनी स्वत: दिली आहे.
