राज्यात काही दिवसांपासून अपघातांमध्ये वाढ झालेली आहे. दरम्यान आता कोल्हापूरमधून एका भीषण अपघाताची बातमी समोर आली आहे. देवगड-निपाणी राज्य मार्गावर ट्रक आणि बोलेरा गाडीचा अपघात झाला. हा अपघात इतका भीषण होता की, या अपघातात तीन जण जागीच ठार झाले आहे तर चार जण जखमी झाले आहेत. अपघातातील मृत हे कोल्हापूर जिल्ह्यातील सोळंकुर गावचे असल्याची माहिती मिळत आहे.
याबाबत अधिक माहिती अशी की, देवगड-निपाणी राज्य मार्गावरील मांगेवाडी गावाजवळ मध्यरात्री बोलेरो आणि ट्रकमध्ये जोरदार धडक झाली. या धडकेत तीन तरुणांचा मृत्यू झाला. अपघातातील मृत तरुण हे कोल्हापूर जिल्ह्यातील सोळांकुर गावाचे आहेत. ते सरावडे गावाहून सोळंकुरकडे निघाले होते.
यावेळी राधानगरी तालुक्यातील मांगेवाडी गावाजवळ त्यांच्या बोलेरो गाडीला ट्रकने जोरदार धडक दिली. ही धडक इतकी भीषण होती की, बोलेरा कारचा अक्षरशः चुराडा झाला आहे. या घटनेत तीन तरुणांचा जागीच मृत्यू झाला. रोहन संभाजी लोहार (वय 23), आकाश आनंदा परीट (वय २४), शुभम चंद्रकांत घावरे (वय २३) अशी मृत तरुणांची नाव आहेत.
