आज राज्यात नव्या सरकारचा शपथविधी होणार आहे. मुंबईतील आझाद मैदानावर संध्याकाळी पाच वाजता हा सोहळा पार पडणार आहे. पंतप्रधान नरेंद्र मोदी यांच्या उपस्थितीमध्ये आज देवेंद्र फडणवीस मुख्यमंत्रि‍पदाची शपथ घेणार आहेत.
या सोहळ्यासाठी अनेक मान्यवरांना उपस्थित करणार आहेत. ज्येष्ठ नेते शरद पवार, उद्धव ठाकरे आणि राज ठाकरे यांना देखील निमंत्रित करण्यात आले आहे. राज्याचे माजी मुख्यमंत्री, केंद्रीय मंत्र्यांसह प्रमुख नेते देखील या सोहळ्याला उपस्थित राहतील.
आजच्या शपथविधी सोहळ्याला आता उद्धव ठाकरे, शरद पवार हे उपस्थित राहणार का? हे पाहणे महत्वाचे ठरणार आहे. महायुती सरकारच्या शपथविधी सोहळ्यासाठी देशातील 19 राज्याचे मुख्यमंत्री, उपमुख्यमंत्री यांना निमंत्रण पाठवण्यात आले आहे. राजशिष्टाचार विभागाकडून फडणवीस यांच्या शपथविधी सोहळ्यासाठी शरद पवार, राज ठाकरे, वंचित बहुजन आघाडीचे नेते प्रकाश आंबेडकर यांनाही निमंत्रण देण्यात आले आहे.
महायुती सरकारच्या शपथविधी सोहळ्याचे सार्वजनिक ठिकाणी पहिल्यांदाच लाईव्ह प्रसारण केले जाणार आहेत. राज्यातील बसस्टॉप, थिएटर तसेच सार्वजनिक ठिकाणी एलईडी स्क्रीनद्वारे सोहळा लाईव्ह दाखवण्यात येणार आहेत.
