- विधानसभा निवडणुकीचे मतदान काही दिवसांवर येवून ठेपले आहे. अशातच वडगाव शेरी विधानसभा मतदारसंघातून एक मोठी बातमी समोर आली. वडगाव शेरीतीलील माजी नगरसेविका रेखा टिंगरे, सामाजिक कार्यकर्ते चंद्रकांत टिंगरे आणि खडकवासला मतदारसंघात बालाजी नगर येथील भाजप नेते समीर धनकवडे यांनी राष्ट्रवादी काँग्रेस शरदचंद्र पवार पक्षात ज्येष्ठ नेते शरद पवार यांच्या उपस्थितीत जाहीर प्रवेश केला आहे.
- वडगाव शेरी मतदारसंघामध्ये महायुतीला खिंडार पडले आहे. माजी नगरसेविका रेखा टिंगरे, सुनील टिंगरे यांनी त्यांच्या कार्यकर्त्यांसह शरद पवार गटात प्रवेश केला. वडगाव शेरी मतदारसंघाचे राष्ट्रवादी शरद पवार गटाचे उमेदवार बापूसाहेब पठारे यांना विजयी करण्यात आमचे मोलाचे योगदान राहिल, असा शब्द देखील त्यांनी पवार यांना दिला आहे.
- पवार यांचे उपस्थितीमध्ये भाजपच्या अनेक नेत्यांनी राष्ट्रवादी कॉंग्रेसमध्ये प्रवेश केला. वडगाव शेरीतील स्थायी समितीचे माजी अध्यक्ष दिलीप तुपे, धनकवडी परिसरातील समीर धनकवडे यांनी राष्ट्रवादी काँग्रेस पक्ष शरदचंद्र पवार पक्षामध्ये प्रवेश केला आहे.
