राज्यात अलीकडे अपघाताचे प्रमाण मोठ्या प्रमाणात वाढले आहे. दरम्यान, आज सकाळी पुण्यातील बावधनमध्ये हेलिकॉप्टर कोसळल्याची दुर्दैवी घटना घडली असून या घटनेत तिघांचा मृत्यू झाला आहे. बावधनमधील केके बिल्डरच्या डोंगरावरची ही घटना आहे. पिंपरी चिंचवड पोलीय नियंत्रण कक्षाला याबाबत फोन आला होता. त्यानंतर पुढील कारवाई सुरू करण्यात आली आहे.
याबाबत प्राथमिक माहितीनुसार आज सकाळी पावणेसात वाजता हा अपघात झाला आहे. अपघातावेळी हेलिकॉप्टरमध्ये दोन वैमानिक आणि एक इंजिनीअर होते. हेलिकॉप्टरणने उड्डाण केल्यानंतर ते मुंबईतील जुहूच्या दिशेने निघाले होते. मात्र, उड्डाण केल्यानंतर काहीवेळातच हेलिकॉप्टर दरीत कोसळले. हा अपघात नेमका कसा घडला, याची नेमकी माहिती समोर आलेली नाही. हा परिसर पुणे-बंगळुरु महामार्गापासून काही अंतरावरच आहे.
