- सोलापूर (प्रतिनिधी) ‘तू पोलीस का खबरी है’ असे म्हणत तरुणास शिवीगाळ व दमदाटी करून हॉकी स्टिक व लोखंडी पाईपने हातावर,पायावर व सर्व अंगास जबर मारहाण करून जखमी केल्याप्रकरणी चार जणांविरुद्ध सदर बझार पोलीस ठाण्यात गुन्हा दाखल करण्यात आला आहे.फिरोज शेख, मुज्जमीर शेख, मेहबूब शेख व त्याचा एक साथीदार असे गुन्हा दाखल करण्यात आलेल्यांची नावे आहेत. याप्रकरणी सोहेल इकबाल शेख (वय-२५,रा.व्यंकटेश नगर,बालाजी मंदिर जवळ) याने सदर बझार पोलीस ठाण्यात फिर्याद दाखल केली आहे. ही घटना १ सप्टेंबर रोजी मोदी स्मशानभूमी जवळील ऑफिसजवळ घडली. पुढील तपास पोलीस नाईक माडे हे करीत आहेत.
