- पेट्रोल गाड्यांची जागा इलेक्ट्रिक गाड्या घेऊ लागल्या आहेत. तुम्हीही इलेक्ट्रिक बाईक बघितली असेल किंवा चालवली असेल, परंतु आता मार्केटमध्ये गिअरवाली इलेक्ट्रिक बाईक लाँच झाली आहे. मॅटर एरा असे या इलेक्ट्रिक बाईकचे नाव असून ही देशातील पहिली गिअर असलेली इलेक्ट्रिक बाईक ठरली आहे. कंपनीचा असा दावा आहे कि, एकदा फुल्ल चार्ज केली कि ही इलेक्ट्रिक बाईक तब्बल १७२ किलोमीटर अंतर आरामात पार करू शकते. ही बाईक फक्त 25 पैशांत एक किलोमीटर धावणार आहे. बाईकचा लूक अतिशय आकर्षक असून तरुणाईला नक्कीच तिची भुरळ पडेल. कंपनीने या गिअरवाल्या इलेक्ट्रिक बाईकची किंमत 1,93,826 रुपये ठेवली आहे.
- मॅटर एराचा लूक खूपच स्पोर्टी आणि स्टायलिश आहे. यात LED लाईट्स, उत्तम फ्रंट आणि रियर लूक, आरामदायी सीट्स, एर्गोनॉमिक्स तसेच स्मार्ट ७-इंचाचा टचस्क्रीन डॅशबोर्ड देण्यात आला आहे. कंपनीने या इलेक्ट्रिक बाईकमध्ये पाच किलोवॅट क्षमतेची बॅटरी बसवण्यात आली आहे. एकदा ही बॅटरी पूर्णपणे चार्ज केली कि ती तब्बल १७२ किलोमीटर रेंज देते. यामध्ये लिक्विड-कूल्ड पॉवरट्रेन आहे, जी भारतीय रस्त्यांसाठी खूप चांगली मानली जाते.
- मॅटर एरा इलेक्ट्रिक बाईकमध्ये चार रायडिंग मोड उपलब्ध आहेत. ज्यामध्ये इको, सिटी, स्पोर्ट आणि पार्क असिस्ट मोडचा समावेश आहे. तुम्ही तुमच्या गरजेनुसार हे मोड वापरू शकता. याशिवाय, ड्युअल डिस्क ब्रेक, ड्युअल सस्पेंशन सिस्टम, स्मार्ट पार्किंग असिस्ट या बाईकची रायडींग आणखी छान वाटते.
