मराठी टेलिव्हिजनवरील अभिनेत्री प्राची पिसाट हिच्यासोबत एक धक्कादायक प्रकार घडला आहे. तिने सोशल मीडियावर एक पोस्ट शेअर करत ही घडलेली घटना सांगितलेली आहे. तिला एका अभिनेत्याने फेसबुक मेसेंजरवर एक मेसेज केला. या मेसेजमध्ये म्हटले की, तुझ्याशी फ्लर्ट करायची इच्छा झाली आहे, तुझा नंबर पाठव, अशी स्पष्ट मागणीच केल्याचे स्क्रीनशॉटमध्ये दिसत आहे.
प्राचीने या चॅटचा स्कीनशॉट फेसबुकवर शेअर केला असून संताप देखील व्यक्त केला आहे. प्राचीने झी मराठीवरील ‘तू चाल पुढे’ या मालिकेत ‘तारा’ भूमिका साकारली होती. परंतु या मालिकेने अल्पावधीत प्रेक्षकांचा निरोप घेतला. प्राचीने ज्येष्ठ अभिनेते सुदेश म्हशीलकर यांच्या फेसबुक मेसेजचा स्क्रीन शॉट शेअर केला. तसेच त्यांच्यावर गंभीर आरोप केले आहेत.
सोशल मीडियावर प्राची खूप सक्रिय असते. नेहमीच ती तिच्या आवडीचे अपडेट्स चाहत्यांसोबत शेअर देखील करते. अशातच आता पुन्हा एकदा प्राची चर्चेत आली आहे.
तर सुदेश हे मराठी कलाविश्वातील दिग्गज अभिनेते आहेत. सध्या ते स्टार प्रवाह वाहिनीवरील ‘कोण होतीस तू काय झालीस तू’ या मालिकेमध्ये काम करत आहेत.
प्राचीने सुदेश यांच्या फेसबुक मेसेजचा स्क्रीन शॉट सोशल मीडियावर शेअर केला आहे. या स्क्रीन शॉटमध्ये दिसते की, तुझा नंबर पाठव ना…तुझ्याशी फ्लर्ट करायची इच्छा झाली आहे. कसली गोड दिसतेस, असा मेसेज सुदेश यांनी प्राचीला केला आहे. यावर प्राचीने म्हटले की, हो…आहे मी गोड. चला आता विषय संपवुया @sudeshmhashilkar. तुमची माफी मागायची इच्छा नसेलच, आम्ही तुम्हाला वेळ असेल तर बाकीच्या मुलींनी सांगितलेले तुमचे किस्से सांगु शकते.
प्राचीने हा स्क्रीन शॉट शेअर करत म्हटले की, मला हा स्क्रिनशॉट पोस्ट करायची इच्छा झाली. बायकोचा नंबर असेलच, ती ही गोड आहे. बघ जरा तिच्याशी फ्लर्ट करायला जमतंय का. ही पोस्ट डिलीट कर असे सांगायला कुठून तरी नंबर मिळवशील आणि कॉल करशीलच, असे देखील प्राचीने म्हटले आहे.
Admin 
