- राज्यात पुढील महिन्यात विधानसभा निवडणूक होणार आहे. त्या दृष्टिकोनातून सर्वच राजकीय पक्षांकडून तयारी केली जात आहे. यंदाची विधानसभा निवडणूक अटीतटीची होईल, असा अंदाज आहे. दरम्यान, मराठा आंदोलक मनोज जरांगे पाटील यांना थेट जीवे मारण्याची धमकी देण्यात आली आहे. यामुळे राज्यातील राजकारणात एकच खळबळ उडाली आहे. मनोज जरांगे यांना अज्ञाताकडून धमकी देण्यात आली आहे. एका युट्यूब चॅनलच्या कॉमेंटमध्ये अज्ञाताकडून ही धमकी देण्यात आली आहे. यामुळे त्यांच्या सुरक्षेत वाढ करण्यात आली आहे. एका युट्यूब चॅनेलच्या कॉमेंटमधून ही धमकी देण्यात आल्याने ऐन निवडणुकीत जरांगे यांच्या सुरक्षेबाबत प्रश्न निर्माण केले जात आहेत. या कॉमेंटचा स्क्रिन शॉट देखील सोशल मीडियावर व्हायरल झाला आहे. उमेदवारीसाठी इच्छुक म्हणून येऊन गेम करणार, अशा आशयाची धमकी कॉमेंटमध्ये लिहिण्यात आली आहे.
- बजाज बिश्नोई लीडर नावाच्या फेक अकाऊंटवरुन ही धमकी देण्यात आली आहे. यानंतर जरांगे सध्या बसत असलेल्या सरपंच मळा येथील बैठकीच्या ठिकाणी पोलीस बंदोबस्त वाढवण्यात आल्याची माहिती आहे. राज्यात विधानसभेची धामधूम असताना जरांगे यांना धमकी देण्यात आल्याने खळबळ उडाली आहे.
