तुम्ही सोने खरेदी करण्याचा विचार करत असाल तर तुम्हाला आता जास्त पैसे मोजावे लागणार आहेत. कारण, सोन्याच्या दरात तेजी कायम आहे. दिवाळी सणाला आता काही दिवस शिल्लक राहिले आहेत. दिवाळीत सोने खरेदी मोठ्या प्रमाणात होते. सोने खरेदीमुळे मागणीत वाढ होत आहे. परिणामी सोन्याच्या दरात तेजी दिसून येत आहे.
Goodreturns वेबसाईटनुसार, आज सोन्याच्या दरात वाढ झाली आहे. 24 कॅरेट सोन्याच्या दरात 4300 रुपये प्रति शंभर ग्रॅम इतकी वाढ झाली आहे. यामुळे शंभर ग्रॅम 24 कॅरेट सोन्याचा दर 7,96,400 रुपयांवरुन 8,00,700 रुपये इतका झाला आहे. दहा ग्रॅम 24 कॅरेट सोन्याच्या दरात 430 रुपयांची वाढ झाली आहे. यामुळे हा दर 79,640 रुपयांवरुन 80,070 रुपये प्रति दहा ग्रॅम इतका झाला आहे. दहा ग्रॅम 22 कॅरेट सोन्याच्या दरात चारशे रुपयांनी वाढ झाली आहे. यामुळे हा दर 73,000 रुपयांवरुन 73,400 रुपये प्रति दहा ग्रॅम इतका झाला आहे.
