- राज्यात एक धक्कादायक घटना उघडकीस आली आहे. मुंबईच्या अंधेरीत पायलट असलेल्या २५ वर्षीय युवीतीने गळफास घेऊन जीवन संपवले आहे. या घटनेची माहिती पोलिसांना मिळाली. दरम्यान, या तरुणीचे तिच्या बॉयफ्रेंड सोबत वाद झाले असल्याची माहिती असून याप्रकरणी बॉयफ्रेंडला अटक करण्यात आली आहे. त्याच्यावर आत्महत्येला प्रवृत्त केल्याचा गुन्हा दाखल करण्यात आला असून त्याला, अटक करण्यात आली आहे.
- सृष्टी तुली (वय २५) असे या पायलट तरुणीचे नाव आहे. ती एका खासगी विमान कंपनीत पायलट म्हणून काम करत होती. २५ नोव्हेंबर रोजी सृष्टीच्या मृत्यूबाबत मुंबईतील सेव्हन हिल्स रुग्णालयातून माहिती मिळाल्यानंतर ही घटना उघडकीस आली आहे. याप्रकरणी तिचा बॉयफ्रेंड आदित्य पंडित (वय २७) याला अटक करण्यात आली आहे.
- पोलिसांनी दिलेल्या माहितीनुसार सृष्टीचे गेल्या काही वर्षांपासून एका तरूणासोबत प्रेमसंबंध होते. तिच्या या प्रेमप्रकरणाविषयी तिच्या घरच्यांना देखील माहिती होती. आदित्य हा सृष्टीला ती नाॉन व्हेज खात असल्याने तिच्याशी वाद घालायचा. यातून त्याने तिला मारहाण देखील केली आहे. त्यामुळे तिने आत्महत्या केली नसून तिची हत्या करण्यात आल्याचा आरोप तिच्या आईवडिलांनी केला आहे. सृष्टी ही २० दिवसापूर्वी घरी गेली होती. त्यावेळी ती खुश होती, असे तिच्या घरच्यांनी पोलिसांना सांगितले.
- सृष्टीच्या मृतदेहाचे शवविच्छेदन करण्यात आले आहे. यात तिचा मृत्यू हा श्वास गुदमरून झाल्याचे समोर आले आहे. फाशी घेऊनच तिने आत्महत्या केल्याची माहिती डॉक्टरांनी दिली.
