ब्रेकिंग! लाईव्ह डिबेट शोमध्ये दे दणादण

एका टीव्ही शोच्या डिबेट शोमध्ये बीआरएस आणि काँग्रेस नेत्यांमध्ये हाणामारी झाली. त्यामुळे दोन्ही पक्षातील राजकीय तणावही वाढला आहे. या हाणामारीचा व्हिडीओ सध्या सोशल मीडियावर जोरदार व्हायरल होत आहे. तेलंगणाच्या YOYO टीव्ही या YouTube चॅनलवरील हा डिबेट शो आयोजित करण्यात आला होता.
त्यावेळी चर्चेदरम्यान भारत राष्ट्र समिती आणि काँग्रेसच्या नेत्यांमध्ये जोरदार बाचाबाची झाली. त्यानंतर दोन्ही प्रवक्त्यांमध्ये हाणामारीही झाली. या हाणामारीचा व्हिडिओ सोशल मीडियावर व्हायरल झाला आहे.
या चर्चेत काँग्रेस पक्षाकडून देवनी सतीश सहभागी झाले होते. तर बीआरएसकडून गौतम प्रसाद सहभागी झाले होते. या दरम्यान सतीश यांनी वादग्रस्त टिप्पणी केल्यानंतर परिस्थिती चिघळली. सतीश यांनी केलेल्या आरोपाला प्रसाद यांना प्रभावीपणे प्रत्युत्तर देता आले नाही. ते त्यामुळे प्रचंड रागावले होते. ते काँग्रेसच्या देवनी सतीश यांच्यावर कठोर शब्दांचा मारा करत होते. त्याचवेळी त्यांचे स्वत: वरील नियंत्रण सुटले. त्यांनी थेट सतीश यांच्या कानशिलात लगावली. हा सर्व प्रकार लाईव्ह सुरू होता. तो सर्वांनी पाहिला.
बीआरएस कार्यकर्त्यांवर ठोस वादविवाद टाळून हाणामारी करण्यावर भर दिल्याचा काँग्रेसचा आरोप आहे. या व्हिडीओमध्ये वाद वाढताना दिसत आहे. त्याच वेळी बीआरएस प्रवक्त्याने थेट कानशिलात लगावल्याचं दिसत आहे. अँकर त्यांना रोखण्याचा प्रयत्न करत आहे. तर दुसरीकडे नेत्यांचे दे दणा दण सुरूच होते. हा व्हिडीओ सध्या सोशल मीडियावर तुफान व्हायरल झाला आहे.