संताप, आक्रोश, सुडाग्नी पेटला

दरम्यान, अमेरिकेच्या या मोठ्या हल्ल्यानंतर इराण प्रचंड संतापला आहे. इराणने त्यांच्या सरकारी वृत्तवाहिनीवरुन अमेरिकेला इशारा दिला आहे. युद्ध तुम्ही सुरु केले आहे, शेवट आम्ही करु. आता प्रत्येक अमेरिकन आणि त्यांचा जवान आमचे लक्ष्य असेल. मोठ्या युद्धासाठी आम्ही पूर्णपणे तयार आहोत. इराणकडून अमेरिकेला नक्कीच प्रत्त्युत्तर मिळेल, अशी धमकीच इराणने दिली आहे. अमेरिकेचे आजपर्यंत कधी झाले नाही असे नुकसान होईल, असा इशारा इराणचे सर्वोच्च नेते अयातुल्ला खामेनी यांनी दिला आहे. त्यामुळे आता मध्यपूर्वेत युद्धाचा भडका उडण्याची शक्यता आहे.