- महाकुंभात झालेल्या चेंगराचेंगरीच्या घटनेत मोठी अपडेट समोर आली आहे. आज पहाटे प्रयागराज येथील महाकुंभातील चेंगराचेंगरीत किमान 30 जणांना आपला जीव गमवावा लागला आहे.
- तर 25 जणांची ओळख पटली असून उर्वरित 5 जणांची ओळख पटवली जात आहे, अशी माहिती डीआयजी महाकुंभ, वैभव कृष्णा यांनी माध्यमांशी बोलताना दिली.
- दरम्यान पंतप्रधान नरेंद्र मोदी यांनी प्रयागराज येथील घटनेवर दु:ख व्यक्त केले आहे. ते म्हणाले की, दुःखद अपघातात आपण काही लोक गमावले आहेत आणि अनेक लोक जखमी झाले आहेत. मी पीडित कुटुंबांप्रती माझ्या संवेदना व्यक्त करतो. जखमींच्या लवकर पुनर्प्राप्तीसाठी मी प्रार्थना करतो. मी उत्तर प्रदेश सरकारच्या सतत संपर्कात आहे. आज कोट्यवधी भाविक तिथे पोहोचले आहेत, काही काळासाठी स्नान प्रक्रिया खंडित झाली होती, परंतु आता लोक सुरळीतपणे स्नान करत आहेत.
- दरम्यान, या चेंगराचेंगरीच्या घटनेनंतर ईशान्य रेल्वेने सांगितले की सर्व गाड्या प्रयागराजसाठी धावत आहेत. कोणत्याही गाड्या रद्द करण्यात आल्या नाहीत. महाकुंभाला येणाऱ्या भाविकांच्या सोयीसाठी आणि सुरक्षित परतीसाठी रेल्वेने विशेष व्यवस्था केली आहे.
